მოხარშულ კრემი, რომლითაც შეძლებთ დაკრემოთ ნებისმიერი ტკბილეული
მოხარშულ კრემი, რომლითაც შეძლებთ დაკრემოთ ნებისმიერი ტკბილეული
დრო 0წთ
ულუფა 0
სირთულე მარტივი
შეინახე რეცეპტი

კრემი არის საბაზისო, ამ კრემით შეგიძლიათ მოამზადოთ სხვადასხვა კრემები, მაგალითად, ათქვეფილ ნაღებს თუ გაურევთ, კრემი გახდება უფრო ფაფუკი და ძალიან გემრიელი. კაკაოს ფხვნილის ან გამდნარი შოკოლადის გარევით კრემი გამოვა შოკოლადის. ასეთი კრემი უხდება ეკლერებსა და შოკოლადის ტორტებს. შეგიძლიათ გაურიოთ ხილის პიურე, შესქელებული რძე, ან მოხარშული შესქელებული რძე“ – ეკატერინა ლონგიშვილი, ჩვენი ფეისბუქჯგუფის წევრი. 

ინგრედიენტები

  • რძე - 500 მლ
  • შაქარი - 200 გრ
  • ფქვილი - 3 სკ
  • კვერცხის გული - 2 ცალი
  • ვანილი
  • ნაღების კარაქი - 250 გრ
მომზადების წესები

მოსამზადებლად მარტივია, ერთი კვერცხი ან ორი კვერცხის გული ცოტათი გავთქვიფეთ, დაამატეთ შაქარი და ცოტა რძე, კარგად ათქვიფეთ, შემდეგ დაამატეთ რძის ნახევარი და თქვეფაში შეათქვიფეთ ფქვილი, ფქვილი კარგად უნდა გაიხსნას რძეში. შემოდგით ასადუღებლად. განუწყვეტლივ ურიეთ, რომ ადუღდება მალევე დაიწყებს შესქელებას, ხარშეთ რამოდენიმე წუთით, მზადყოფნამდე. ამას არომატზე მიხვდებით, როდესაც ფქვილი მოიხარშება. გადმოდგით და ცხელში დაამატეთ ვანილი. დააფარეთ ცელოფანი ისე, რომ კრემს ეხებოდეს და დატოვეთ გასაციებლად.

თქვეფით ამოიყვანეთ ოთახის ტემპერატურის ნაღების კარაქი, გათეთრებამდე და უკვე გაციებული მოხარშული კრემი დაამატეთ კოვზობით, სათქვეფის საშუალებით.

გამოდის საბაზისო კრემი, ამ კრემით შეგიძლიათ უკვე დაკრემოთ ან მოამზადოთ სხვადასხვა სახის კრემები. 

ტეგები:
ტორტი კრემი მოხარშული კრემი ნანახია: 353