იხვის ფილე, ცხარე ტობასკოს და ბაზილიკის კრემით, მწვანილების სალსით და აზიური სოუსით - ნინო ვარშანიძის რეცეპტი
იხვის ფილე, ცხარე ტობასკოს და ბაზილიკის კრემით, მწვანილების სალსით და აზიური სოუსით - ნინო ვარშანიძის რეცეპტი
დრო 0წთ
ულუფა 0
სირთულე საშუალო
შეინახე რეცეპტი

ინგრედიენტები

  • ნაღები - 500 მლ
  • თხის ყველი - 50 გ
  • მასკარპონე - 100 გ
  • ბაზილიკი - 10 გ
  • ქინძი - 50 გ
  • ოხრახუში - 20 გ
  • რეჰანი - 15 გ
  • ორეგანო - 5 გ
სოუსი
  • საკე - 200 მლ
  • კეტჩუპი - 50 გ
  • წითელი ტობასკო - 5 გ
  • სოიოს სოუსი - 30 მლ
მომზადების წესები

იხვის ფილე დასერეთ, მოაყარეთ მარილი და პილპილი და კანის მხრიდან დაიწყეთ დაბრაწვა. კარგად გახურებულ უცხიმო ტაფაზე (შეგიძლიათ მინიმალური რაოდენობის ზეითუნის ზეთის გამოყენება), 2-3 წუთი ორივე მხარეს დაბრაწეთ და შემდეგ შედეთ წინასწარ გახურებულ ღუმელში 200 გრადუსზე 6-8 წთ.

კრემისთვის ამოიყვანეთ 500 მლ ნაღები, გადაურიეთ 50 გრამი თხის ყველი და 100 გრამი მასკარპონე, ასევე გადაურიეთ წინასწარ დაბლენდერებული  10 გრ ბაზილიკი და ცხარე მწვანე ტობასკო (გემოვნებით), დაუმატეთ მარილი და კრემი მზად არის.

მწვანილების სალსა - 50 გრ ქინძი, 20 გრ ოხრახუში, 15 გრ რეჰანი და 5 გრ ორეგანო დაკეპეთ წვრილად და შეაზავეთ მარილით, პილპილით და ხამანწკების სოუსით (გემოვნებით).

სოუსი - 200 მლ საკე ჩაასხით ქვაბში და გაუკეთეთ რედუქცია, შემდეგ დაამატეთ 50 გრ კეტჩუპი, 5 გრ წითელი ტობასკო და 30 გრ სოიოს სოუსი, დაელოდეთ შესქელებამდე და სოუსი მზად არის. 
 

ტეგები:
მასტერშეფი ნანახია: 494