გემო ბავშვობიდან – უგემრიელესი ჩიტის რძე შოკოლადის მინანქრით
გემო ბავშვობიდან – უგემრიელესი ჩიტის რძე შოკოლადის მინანქრით
დრო 0წთ
ულუფა 0
სირთულე მარტივი
შეინახე რეცეპტი

რეცეპტი ჩვენმა ფეისბუქჯგუფის წევრმა, ეკა ხალვაშმა გაგვიზიარა. მკითხველების სხვა რეცეპტების სანახავად შემოგვიერთდით ფეისბუქჯგუფში.

ინგრედიენტები

ინგრედიენტები ბისკვიტისთვის
  • კვერცხის გული - 3 ცალი
  • შაქარი - 60 გრ
  • ფქვილი - 50 გრ
  • ვანილის ექსტრაქტი - 1 ჩკ
ინგრედიენტები სუფლესთვის
  • კარაქი - 165 გრ
  • ნაღები - 70 გრ
  • ვანილის ექსტრაქტი - 7 გრ
  • შაქარი - 390 გრ
  • წყალი - 240 მლ
  • აგარ-აგარი - 8 გრ
  • კვერცხის ცილა - 100 გრ
  • ლიმონმჟავა - 1 გრ
ინგრედიენტები შოკოლადის მინანქრისთვის
  • შოკოლადი - 100 გრ
  • ქოქოსის კარაქი - 50 გრ
მომზადების წესები

კვერცხის გული ათქვიფეთ შაქართან და ვანილთან ერთად, გათეთრებამდე და სილიკონის ნიჩბით ფრთხილად შეურიეთ ფქვილი.

გამოაცხვეთ 20სმ დიამეტრის ფორმაში, 180 C - ზე,15 წუთით.

კრემის მომზადება: კარაქი და ნაღები მყარი და თეთრი მასის მიღებამდე ათქვიფეთ. 

ქვაბში აგარ-აგარი და წყალი გახსენით, მიიყვანეთ თითქმის ადუღებამდე, დაამატეთ შაქარი და ხარშეთ 110 C-მდე.

გადმოდგით ცეცხლიდან, როცა მასა დაიწევს 106 C-ზე, დაიწყეთ კვერცხის ცილის ათქვეფა, დაბალ სიჩქარეზე. დაამატეთ ლიმონმჟავა, გადართეთ საშუალო სიჩქარეზე, თქვიფეთ გათეთრებამდე და გამყარებამდე.

შემდეგ წვრილ ზოლად დაამატეთ სიროფი, თან თქვიფეთ.

მასა უნდა გახდეს ერთგვაროვანი და გლუვი. შემდეგ აურიეთ კარაქის კრემი.

ჩადეთ ბისკვიტი იგივე ფორმაში, რომელშიც გამოაცხვეთ. დაადეთ მიღებული სუფლე და შედგით მაცივარში, რამდენიმე საათით.

შოკოლადის მინანქარი: გაადნეთ შოკოლადი ქოქოსის კარაქთან ერთად, ორთქლის აბაზანაზე, ან მიკროტალღურ ღუმელში.

დესერტი ამოიღეთ ფორმიდან და მოასხით მინანქარი.