„ანნა“ – ყველაზე ჰაეროვანი ნამცხვარი, რომელიც პირში დნება
„ანნა“ – ყველაზე ჰაეროვანი ნამცხვარი, რომელიც პირში დნება
დრო 0წთ
ულუფა 0
სირთულე მარტივი
შეინახე რეცეპტი

უგემრიელესი რეცეპტი ჩვენს ფეისბუქჯგუფის წევრს, ეკა ხალვაშს ეკუთვნის. მკითხველების სხვა რეცეპტების სანახავად შემოგვიერთდით ფეისბუქჯგუფში. 

ინგრედიენტები

  • კვერცხის ცილა - 5 ცალი
  • შაქარი - 125 გრ
  • ნიგოზი - 150 გრ
  • ფქვილი - 50 გრ
  • მწიკვი მარილი
ინგრედიენტები ლიმონის კრემისთვის
  • კვერცხის გული - 5 ცალი
  • შაქარი - 135 გრ
  • რძე - 750 მლ
  • სიმინდის სახამებელი - 60 გრ
  • ლიმონის წვენი - 40 მლ
  • ლიმონის ცედრა - 1 ჩკ
  • კარაქი - 200 გრ
ინგრედიენტები ალუბლის გულსართისთვის
  • გაყინული ალუბალი - 300 გრ
  • შაქარი - 30 გრ
ინგრედიენტები ტოპინგისთვის
  • ნაღები - 200 მლ
  • შაქრის ფხვნილი - 25 გრ
მომზადების წესები

ბისკვიტის მომზადება: ცილა ათქვიფეთ ჰაეროვანი მასის მიღებამდე. სამ ეტაპად დაამატეთ შაქარი და თქვიფეთ გამყარებამდე. ფქვილი და ნიგოზი აურიეთ და დაამატეთ მიღებულ მასას. ფრთხილად გააერთიანეთ, ნიჩბის დახმარებით.

გადაიტანეთ საცხობქაღალდიან სინზე, ზომით 40/30. გამოაცხვეთ 180C-ზე, 20 წუთით

ლიმონის კრემი: კვერცხის გულები და 50 გრ შაქარი აურიეთ. ქვაბში მოათავსეთ ცივი რძე, დარჩენილი შაქარი, ცედრა და სახამებელი. ურიეთ და გააცხელეთ (არ ადუღდეს). დაასხით კვერცხის გულებს, კარგად აურიეთ და ისევ დააბრუნეთ ქვაბში. ხარშეთ დაბალ ცეცხლზე, გასქელებამდე. დაამატეთ ლიმონის წვენი. როცა კრემი მიაღწევს სასურველ კონსისტენციას, გამორთეთ. დააფარეთ სამზარეულო ცელოფანი და გააცივეთ ოთახის ტემპერატურამდე.

ოთახის ტემპერატურის კარაქი ათქვიფეთ გათეთრებამდე, დაამატეთ ლიმონის კრემი და კარგად აურიეთ.

ალუბლის გულსართი: დადგით გაყინული ალუბალი ცეცხლზე, დაამატეთ შაქარი და ადუღეთ რამდენიმე წუთით. დაწურეთ საწურზე.

ტოპინგი: მაღალპროცენტიანი, ცივი ნაღები ათქვიფეთ შაქრის ფხვნილთან ერთად, მყარი მასის მიღებამდე.

აწყობა: ბისკვიტი გაჭერით ორად, ქვედა ფენა დაფარეთ ლიმონის კრემით, დააწყვეთ ალუბლის ნახევარი, დაადეთ მეორე ფენა და გაიმეორეთ იგივე. დაასრულეთ ათქვეფილი ნაღებით. ზემოდან მოაყარეთ დაღერღილი ნიგოზი.

 

 

.