როგორ მზადდება პოპულარული დიანას ფხვნილის ნაყინი
როგორ მზადდება პოპულარული დიანას ფხვნილის ნაყინი
დრო 0წთ
ულუფა 0
სირთულე მარტივი
შეინახე რეცეპტი

„დიანას ფხვნილის“ სახელით არის ცნობილი შემასქელებელი საშუალება, რომელიც ნაყინებისა და კრემების მოსამზადებლად გამოიყენება. იგი ნაღების ჩამანაცვლებელი ეკონომიური საშუალებაა. „გემრიელიას“ ჯგუფში არაერთხელ იკითხეს, თუ როგორ მოვამზადოთ მისგან ნაყინი, ამიტომ გიზიარებთ მარტივ რეცეპტს, რომლისგანაც საკმაოდ ბევრი ნაყინი გამოდის.

შენიშვნა: სანამ ნებისმიერი სახეობის ფხვნილს გამოიყენებთ, კარგად დაუკვირდით შემადგენლობას. თუ საშიშად მოგეჩვენებათ, ნუ გამოიყენებთ.

ინგრედიენტები

  • რძე - 1 ლ
  • „დიანას ფხვნილი“ - 300 გ
  • შესქელებული რძე - 1 ქილა
  • ვანილი
მომზადების წესები

ცივ რძეში ჩაყარეთ „დიანას ფხვნილი“ და კარგად გათქვიფეთ. მასა მოცულობაში მოიმატებს და გასქელდება. ამას, დაახლოებით, 20 წუთი დასჭირდება. რომ გასქელდება, დაუმატეთ შესქელებული რძე და კიდევ 3-5 წუთი თქვიფეთ. ბოლოს შეათქვიფეთ ვანილი.

შეგიძლიათ ასევე დაუმატოთ კაკაო ან სასურველი ხილი. ბოლოს გადაიტანეთ სასურველ ფორმებში და მოათავსეთ საყინულეში.

 

ტეგები:
ნაყინი ნანახია: 230