ხორცი და ქონი გავატაროთ ხორცსაკეპში მსხვილი ბადით, ხახვი წვრილად. დაკეპილი ხორცი შევაზავოთ მარილით, დანაყილი პილპილით, სუნელებით, კოწახურით, დავასხათ ცოტა ბულიონი ან ღვინო (რომელი არომატიც უფრო მოგვწონს) და კარგად დავზილოთ. განიერძირიანი ძაბრი მივამაგროთ მანქანას და წამოვაცვათ კარგად გარეცხილი ნაწლავები. შეზავებული დაკეპილი ხორცით გავტენოთ სასურველ ზომაზე. თითოეული კუპატის თავი და ბოლო შევაერთოთ, ძაფებით შევკრათ და დავკიდოთ შესანახად. როცა დაგვჭირდება შევწვათ ტაფაზე და სუფრაზე მივიტანოთ.