მოამზადეთ უგემრიელესი ხვეულები ფინიკისა და ვაშლის გულსართით
მოამზადეთ უგემრიელესი ხვეულები ფინიკისა და ვაშლის გულსართით
დრო 0წთ
ულუფა 0
სირთულე მარტივი
შეინახე რეცეპტი

ეს რეცეპტი ჩვენმა ფეისბუქჯგუფის წევრმა, მზეომ გაგვიზიარა. მკითხველების სხვა რეცეპტების სანახავად, შემოგვიერთდით ფეისბუქჯგუფში.

ინგრედიენტები

  • ფქვილი - 1 კგ
  • კვერცხი - 2 ცალი
  • თბილი წყალი - 200 მლ
  • თბილი რძე - 200 მლ
  • გამდნარი კარაქი - 160 კგ
  • შაქარი - 230 გრ
  • მწიკვი მარილი
  • საფუარი - 2 სკ
ინგრედიენტები გულსართისთვის
  • ფინიკის ჯემი - 250 გრ
  • გახეხილი ნიგოზი - 100 გრ
  • კაკაო - 1 სკ
  • შაქარი - 1 სკ
მომზადების წესები

100მლ ადუღებული წყალი დაახსით კარაქს გასალღობად, დანარჩენი წყალი და რძე აურიეთ ერთმანეთში, ჩაყარეთ 2ს.კ შაქარი და საფუარი, დააყოვნეთ 10 წუთით, მანამდე თასზე მოათავსეთ ფქვილი, დარჩენილი შაქარი, მარილი და კვერცხი, აურიეთ კარგად, დაუმატეთ გამდნარი კარაქი და საფუარიანი მასა. მოზილეთ ნაზი ცომი, ცომს არ ჭირდება ფქვილის დამატება. მოათავსეთ დამუშავებული ცომი თასზე, დაახურეთ თავი და დააყოვნეთ 1 საათით.

ამასობაში, ფინიკის ჯემს აურიეთ ყველა ინგრედირნტი კარგად და გულსართიც მზად არის.

გადმოიტანეთ მაგიდაზე უკვე ამოსული ცომი, გაყავით 12 ნაწილად, დაახლოებით 160გ გამოდის 1 გუნდა, გააბრტყელეთ 4 გუნდა მრგვლად, სამ ფენაზე წაუსვით გულსართი და მეოთხე დააფინეთ მშრალად თავზე. მრგვალი ფორმის მზა მასის შუაგული მონიშნეთ ჭიქის ძირით და მის ირგვლივ დაჭერით ისე, რომ  გამოვიდეს 18 ნაჭერი, შემდეგ ეს ნაწილები დაწენით, გამოგივათ სულ ირგვლივ სამი ნაწნავი, შემდეგ გააბრტყელეთ ოთკუთხედი ფორმით, ჩადეთ ვაშლის გულსართი და გადაახვიეთ როგორც რულეტი. ეს რგოლი შემოაყოლეთ ნაწნავებს ირგვლივ, გადაიტანეთ კალკადაფენილ ფორმაზე ეს ყველაფერი, დააყოვნეთ კიდევ 20 წუთით და შეაწყვეთ გამოსაცხობად 180 გრადუსზე, 25–30 წუთით. თავზე წაუსვით კვერცხის გული. გემრიელად მიირთვით!