1. თასში ჩავასხათ თბილი რძე, დავამატოთ საფუარი და 1 ს.კ. შაქარი, კარგად გავქნათ და დაახლოებით 15 წუთი დავტოვოთ, რომ საფუარი გაიხსნას. 2. ცალკე თასში ჩავყაროთ ფქვილი, დავამატოთ გამდნარი კარაქი, მარილი, ამოსული საფუვრიანი მასა, ცედრა, შაქარი და მოვზილოთ ელასტიკური ცომი. ცომს გადავაფაროთ ტილო და 1 საათით თბილ ადგილას დავდგათ, რომ აფუვდეს და მოცულობაში ორჯერ გაიზარდოს. 3. აფუებული ცომი გავყოთ 4 თანაბარ ნაწილად. გავაბრტყელოთ ერთი ნაწილი 26 სმ დიამეტრის საცხობი ფურცლის ზომაზე. გადავუსვათ შოკოლადის კარაქი და გადავიტანოთ ქაღალდდაფენილ ფორმაზე. გავაბრტყელოთ მეორე ნაწილი, დავაფინოთ ზემოდან და გადავუსვათ შოკოლადის კარაქი. მესამე ფენასაც კარაქი გადავუსვათ და ზემოდან მეოთხე ფენა გადავაფაროთ. 4. ღვეზელის შუაგულში მოვათავსოთ ფინჯანი ან სხვა მრგვალი საგანი და ცენტრიდან კიდეებისკენ დავიწყოთ დაჭრა. ჯერ 4, შემდეგ 8, შემდეგ კი 16 თანაბარ ნაწილად გავყოთ. ორ -ორ ნაწილს მოვკიდოთ ხელი და საპირისპირო მიმართულებით 2-ჯერ გადავატრიალოთ. შემდეგ კიდეებით შევაწებოთ. 5. ღვეზელს გადავუსვათ წყლისა და რძის ნაზავი და შევდგათ წინასწარ 180 გრადუსზე გახურებულ ღუმელში გამოსაცხობად.
