მკითხველთა თხოვნით - როგორ მოვამზადოთ ცნობილი აჭარული ხალვა
მკითხველთა თხოვნით - როგორ მოვამზადოთ ცნობილი აჭარული ხალვა
დრო 0წთ
ულუფა 0
სირთულე მარტივი
შეინახე რეცეპტი

ხალვის ბევრნაირი რეცეპტი არსებობს, მაგრამ ეს არის ნამდვილი აჭარული ხალვა, რომელიც ფქვილისგან მზადდება. რეცეპტს ნაირა მელაძე გვიზიარებს.

ინგრედიენტები

  • ფქვილი - 5 ჭიქა
  • მჭადის ფქვილი - 1 ჭიქა
  • შაქრის პუდრა - 3 ჭიქა
  • კარაქი - 500 გ
  • ზეთი - 1 ჭიქა (200 მლ)
  • ვანილი - 2 შეკვრა
  • ნუში ან თხილი - 100 გ (სურვილისამებრ)
მომზადების წესები

ეს ხალვა თეთრი ფერისაც კეთდება და შავი ფერისაც, ვისაც როგორ მოსწონს. მე მომწონს მუქი ფერის. პურის და მჭადის ფქვილს ერთად ვყრი ტაფაზე და ვხალავ სასურველ ფერამდე. შემდეგ ცოტა რომ შეგრილდება, ვცრი საცერში. ვყრი თასში, ვამატებ შაქრის პუდრას, ვანილსა და ნუშს ჩემი გემოვნებით (ტრადიციულ ხალვას არ უშვრებიან ნუშს). კარაქი გავადნოთ და ცხელივე დავასხათ ამ მასას, დავამატოთ ზეთიც და ხელით მოვზილოთ ცხელ-ცხელი. კოვზით მივცეთ სასურველი ფორმა. სულეს არის, ძაან გემრიელია, დნება პირში.