როგორ მოვამზადოთ ქლიავის ცუკატები ღუმელში - მკითხველის რეცეპტი
როგორ მოვამზადოთ ქლიავის ცუკატები ღუმელში - მკითხველის რეცეპტი
დრო 0წთ
ულუფა 0
სირთულე მარტივი
შეინახე რეცეპტი

ეს რეცეპტი ჩვენმა ფეისბუქჯგუფის წევრმა, მარინე აზბარიანმა გაგვიზიარა. მკითხველების სხვა რეცეპტების სანახავად, შემოგვიერთდით ფეისბუქჯგუფში. 

ინგრედიენტები

  • ქლიავი - 2.5 კგ
  • შაქარი - 1 კგ
  • წყალი - 500 მლ
მომზადების წესები

ქლიავი კარგად გარეცხეთ, დაჭერით შუაში, გააცალეთ კურკები.

ქვაბში მოადუღეთ სიროფი. ჯერ გააცხელეთ წყალი, შემდეგ ჩახარშეთ შაქარი. მოადუღეთ 5-7წუთის განმავლობაში. ქლიავის ნახევრები ჩაუშვით სიროფში, შეურიეთ და მოადუღეთ 5 წუთით. ამოიღეთ სიროფიდან, დაასვენეთ ცოტახნით.

ამასობაში, არ გამორთოთ გაზქურა და გააგრძელეთ სიროფის მოდუღება. მეორეჯერ ჩაუშვით სიროფში ქლიავები და 5-10 წუთით მოადუღეთ. გადმოიღეთ ჯამში, გააცალეთ კანი და მოათავსეთ ღუმელის ტაფაზე, საკონდიტრო ქაღალდზე (კალკაზე).

თითქმის 10 საათის განმავლობაში გააშრეთ ქლიავები, 70-100 გრადუსამდე, გაცხელებულ ღუმელში, ტემპერატურა უნდა აკონტროლოთ.