ბიუჯეტური ფენოვანი ცომი - მზადდება კარაქის გარეშე!
ბიუჯეტური ფენოვანი ცომი - მზადდება კარაქის გარეშე!
დრო 0წთ
ულუფა 0
სირთულე მარტივი
შეინახე რეცეპტი

„ამ ცომით გამოვაცხე ქადა,ხაჭაპური,ფახლავა..თუ მოგეწონებათ,ჩაინიშნეთ თქვენთვის“ – მარინე აზბარიანი, ჩვენი ფეისბუქჯგუფის წევრი.

ინგრედიენტები

  • წყალი - 500 მლ
  • ზეთი - 60 მლ
  • ლიმონმჟავა 1/3 ჩკ
  • მარილი 1/2 ჩკ
  • ძმარი - 1 სკ
  • კვერცხი - 1 ცალი
  • ფქვილი - 1 კგ
  • მარგარინი - 480 გრ
მომზადების წესები

ცომისთვის საჭირო ყველა ინგრედიენტი მოათავსეთ მიქსერის ჯამში და დაბალ სიჩქარეზე შეაერთეთ, გადმოიტანეთ ნახევრად მზა ცომი მაგიდაზე და გააგრძელეთ დამუშავება მაგიდაზე. ერთგვაროვანი მასა უნდა მიიღოთ. (ცემა-დარტყმა ზედმეტი არ იქნება. ფენოვან ცომს „უყვარს“). ამოიღეთ დაახლოებით 1700გრ ცომის მასა.

გაანაწილეთ 3 გუნდად და ცოტახანი მოასვენეთ. (თუ მიიღეთ 3 გუნდა, მაშინ 2 ჯერ უნდა წაუსვათ მარგარინი 80-80გრ. ჯამში 160გრ თითო გუნდაზე.

პირველ ჯერზე გააბრტყელეთ გუნდა, წაუსვით მარგარინს (80გრ) ცომის ზედაპირის 1/3ზე, დაკეცეთ კონვერტივით და ცელოფანდაფარული მოვათავსეთ მაცივარში, 30 წუთით. შემდეგ გაიმეორეთ ეს პროცედურა- გააბრტყელეთ გუნდა, წაუსვით მარგარის, დაკეცეთ და მაცივარში მოათავსეთ. მესამეჯერ, უბრალოდ ცარიელზე გაბრტყელება-დაკეცვაა საჭირო.

მზა გუნდები ერთჯერად ცელოფნებში მოათავსეთ მაცივარში. ცომის გამოყენება შეიძლება უკვე მზაობიდან 1-2 საათის შემდეგ.