ხორცი ღრმად დავჩხვლიტოთ და ჩავულაგოთ ფირფიტებად დაჭრილი ნიორი. წავუსვათ მარილი და პილპილი.ღრმა ჭურჭელში ჩავდოთ ხორცი, დავასხათ ღვინო და ჩავაყოლოთ ქონდარი. დავამარინადოთ 2 საათი. შემდეგ ხორცი ღუმელის ფორმაში გადავიტანოთ, დავასხათ მარინადი, დავაფაროთ ფოლგა და 180 გრადუსზე გახურებულ ღუმელში შევდოთ 1.5 საათი.ამასობაში წვრილად დაჭრილი ოხრახუში საფანელს შევურიოთ. უმჯობესია ერთად დავნაყოთ. შემდეგ ეს მწვანე მასა ხორცს ზემოდან წავუსვათ და ახლა უკვე 150 გრადუსზე გავაგრძელოთ წვა, ფოგის გარეშე, დაახლოებით 30 წუთის განმავლობაში. დრო და დრო ზემოდან თავისივე წვენი ვასხათ. მზა ხორცი გავაციოთ და თხლად დავჭრათ.
