150 გრამ რძეს და 150 გრამ ნაღებს ვასხამთ ქვაბში საშუალო ცეცხლზე და ვამატებთ 1 გრამ ვანილს. მიგვყავს წამოდუღებამდე და ვთიშავთ გაზს. ამასობაში 3 კვერცხის გული და 25 გრამი შაქარი ითქვიფება ერთად, უნდა მივიღოთ ერთგვაროვანი ღია ფერის მასა. შემდეგ ნელ-ნელა ვამატებთ თბილ რძიან და ნაღებიან მასას კვერცხიან და შაქრიან მასაში. ისევ ვაბრუნებთ ქვაბში და მიგვყავს წამოდუღებამდე. ამასობაში ერთი საშუალო ზომის ქერქ გაცლილ დამბალ ხაჭოს ვხეხავთ და ვამატებთ ქვაბში. ვთიშავთ ქვაბს და ვაცდით 2-3 წუთი რომ გემოები გაიხსნას. შემდეგ წვრილ საცერზე ვასხამთ რომ დარჩეს მხოლოდ ერთგვაროვანი მასა. ცალკე ვიღებთ მიქსერს და 150 გრამ ნაღებს და ამოგვყავს. ნელი მოძრაობით ამოყვანილ ნაღებს ვამატებთ დამბალხაჭოიან მასას. კარგად გადარევის შემდეგ ვიწყებ აზოტის ჩამატებას სადაც მიქსერი დაბალ სიჩქარეზე უნდა იყოს დაყენებული. როდესაც მიხვდებით რომ ნაყინი ერთგვაროვანია ვდგამთ მაცივარში. ტკბილ-ცხარე გოზინაყისთვის ვიღებთ 200 გრამ ნიგოზს ვბრაწავთ ტაფაზე და ვაცლით კანს და ვჭრით უხეშ ნატეხებად. ამასობაში წამოვადუღოთ 20-30 გრამი თაფლი დავაყაროთ1-3 გრამი დაღერღილი წიწაკა (გემოვნებით) ვამატებთ მოხალულ ნიგოზს და ვურევთ. შემდეგ დაახლოებით 10 გრამ შაქარს ვურევთ და გადაგვაქვს პერგამენტის ქაღალდზე გასაციებლად. მასა უნდა იყოს გაცალკევებული ანუ დაფშვნილ მდგომარეობაში მაგრამ ხრაშუნა. ქლიავის ჩირის სოუსისთვის ვიღებთ ქლიავის ჩირს 150 გრამსვყრით ჯამში და ვასხამთ ადუღებულ წყალს თვალის ზომით რომ დაბლენდერების შემდეგ მიიღოს სოუსის კონსისტენცია (თუმცა წყლის დამატება არის შესახლებელი)რომ დარბილდეს. დარბილების შემდეგ ვყრით ბლენდერში წყალთან ერთად 1 კბილი ნიორი ნახევარი ლიმონის წვენი 2 სუფრის კოვზი თაფლი მწიკვი მარილი და მწიკვი შაქარი ვაბლენდერებთ და წვრილ საცერზე ვასხამთ რომ აქაც მივიღოთ ერთგვაროვანი მასა. ამის შემდეგ ვაყრით ლიმონის ცედრას გემოვნებით.