ფალაფელი
ფალაფელი
დრო 120წთ
ულუფა 8
სირთულე საშუალო
შეინახე რეცეპტი

ინგრედიენტები

  • გამაფხვიერებელი - 1 პაკეტი
  • დამბალი პური - 1 ნაჭერი
  • ძირა - 1/2 ჩ.კ
  • რეჰანი - 1 კონა
  • ოხრახუში - 2 კონა
  • ქინძი - 2 კონა
  • ნიორი - 6 კბილი
  • ხახვი - 2 თავი
  • მუხუდო - 500 გ
  • მარილი და პილპილი
  • ზეთი შესაწვავად
მომზადების წესები
მუხუდოს მარცვლებს დავასხათ წყალი და მთელი ღამით გავაჩეროთ. დამბალი მუხუდო დავაბლენდეროთ ან საკეპ მანქანაში გავატაროთ (პირველად აუცილებლად უნდა გავატაროთ მსხვილნახვრეტიან ბადეში, შემდეგ კი საშუალონახვრეტიანში).
ასევე გავატაროთ ხახვი, ნიორი, მწვანილები და პური. შევაზავოთ მარილით, პილპილითა და ძირათი. ბოლოს დავაყაროთ გამაფხვიერებელი და კარგად ავზილოთ. ისეთი მასა უნდა მივიღოთ, რომ ხელით ბურთულები შევკრათ, ამიტომ, თუ მასა ძალიან ფხვიერი გამოგივიდათ, დაუმატეთ ცოტაოდენი წყალი.
გამზადებული მასა 1 საათი გავაჩეროთ. ქვაბში ჩავასხათ ზეთი და ვიდრე კარგად გაცხელდება, მუხუდოს მასისაგან გავამზადოთ კაკლისოდენა ბურთულები. ადუღებულ ზეთში კი ბურთულები სათითაოდ ჩავყაროთ. ვეცადოთ, ერთმანეთს არ მიეწებოს, მაგრამ თუ მაინც მიეწება, ვადროვოთ, და რომ შეიწვება, ერთმანეთს თვითონ მოსცილდება.
ბურთულები რომ დაიბრაწება და გაყავისფრდება, ქაფქირით ამოვიღოთ განიერ თეფშზე, რომელზეც საშრობი ქაღალდი გვექნება დაფენილი (რათა ზედმეტი ცხიმი შეიწოვოს).
ფალაფელი უნდა მივირთვათ ცხლად. ძალიან უხდება ბოსტნეულის სალათა.

ფალაფელი გაცივდება თუ არა, ოთახის ტემპერატურაზე ნუ დატოვებთ. უმჯობესია მაცივარში შეინახოთ და შემდეგ ან მიკროტალღურ ღუმელში გავათბოთ ან ტაფაზე, ცოტაოდენ ზეთში გავაცხელოთ.


ტეგები:
არაბული სამზარეულო მუხუდო ნანახია: 42740