ფაჰიტასი მექსიკური, უფრო სწორად, ტეხასურ-მექსიკური კერძია, რომლის მოსამზადებლად გრილზე შემწვარი სტეიკი, ქათამი, ღორის ან ცხვრის ხორცია საჭირო. ფაჰიტასს ხორბლის ან სიმინდის ფქვილის ლავაშებთან – ტორტილებსა და გარნირთან ერთად მიირთმევენ. მის მოსამზადებლად სხვადასხვა რეცეპტების მოფიქრება თავადაც შეგიძლიათ. წინასწარ მოამზადეთ ღია ან დახურული ტიპის გრილი. თუ მას მთლიანი ზედაპირი არა აქვს, ცხაურზე სპეციალური ლანგარი, გრილის დასაფენი ან ბრტყელი ტაფა დადეთ და გააცხელეთ. შემდეგ ცოტაოდენი ზეთი გადაუსვით. გრილზე 3-4 წუთის განმავლობაში დაჭრილი ბულგარული წიწაკა და ხახვი მოშუშეთ, დარბილებისთანავე გადმოიღეთ. სტეიკს მარილი და პილპილი მოაყარეთ, გრილზე დადეთ და თქვენი გემოვნების მიხედვით მოამზადეთ: თუ საშუალოდ შემწვარი გინდათ, თითოეული მხარე ცეცხლზე 3-4 წუთით გააჩერეთ. ხორცი წვრილ ზოლებად დაჭერით, ბულგარული წიწაკა დააყარეთ და ლაიმის წვენი დაასხით. ტორტილები გრილზე გახუხეთ. როდესაც ყავისფერი ზოლები ოდნავ დაეტყობა, გადმოიღეთ და ნაღების ყველი წაუსვით, შემდეგ ხორცისა და ბულგარული წიწაკის მასა დაადეთ და ცოტა მწვანე ხახვი და ქინძი მოაყარეთ; ჯერ ერთი გვერდი, შემდეგ აქეთ-იქიდან ორი გვერდი გადმოკეცეთ. სუფრაზე თბილი მიიტანეთ. 9 მაისიდან, თვეში ერთხელ გაზეთ „კვირის პალიტრასთან“ ერთად კულინარიული სერია გამოვა. კულინარიული დღიურების თითოეული წიგნი 100 უგემრიელეს და გამორჩეულ რეცეპტს შემოგთავაზებთ. პირველი წიგნი - „კერძები გრილზე“ იქნება, რომლის სპეციალური ფასი 13 ლარია, ხოლო გაზეთთან ერთად - 15 ლარი. იკითხეთ წიგნის მაღაზიებსა და პრესის გავრცელების წერტილებში ან გამოიწერეთ საიტიდან www.palitral.ge და ისარგებლეთ საკურიერო მომსახურებით.
