პირველ რიგში მოვამზადოთ ფორმა, მე მაქვს ძველებური ფორმა, ძირზე ვაფენ პერგამენტს, ვუსვამ ზეთს ძალიან ცოტას, კედლებზე - არაფერს. შემდეგ ვამზადებ და ახლოს ვდებ ყველა ინგრედიენტს, რადგან ბისკვიტს არ უყვარს ლოდინი, მიქსერის გაჩერება და დიდი ხნით რევა. ჭურჭელი, რაშიც თქვეფთ, უნდა იყოს სუფთა და მშრალი. ეს აუცილებელია, ასევე მშრალი უნდა იყოს მიქსერის თავებიც, ახლოს დადეთ საცერიც ფქვილისთვის. ავთქვიფე მთლიანი კვერცხი, შაქარი და ვანილი. თქვიფეთ ერთი მიმართულებით. ეცადეთ დახაროთ მიქსერი მაშინ, როდესაც მასა აქაფდება, ასე ჟანგბადით აივსება და უფრო ჰაეროვანი და ფაფუკი იქნება. ათქვიფეთ მანამდე, სანამ მასა არ გახდება თეთრი, სანამ არ დაკარგავს სიპრიალეს. ფქვილს ვურევთ ძალიან ნელი მოძრაობებით. ფქვილი უნდა გაიცრას პირდაპირ მასაზე, ოღონდ გადაანაწილეთ მთელ ზედაპირზე. გამოაცხვეთ წინასწარ გახურებულ ღუმელში 150 გრადუსზე 40 - 50 წუთის განმავლობაში.