იდეები ლავაშის რულეტის მოსამზადებლად
იდეები ლავაშის რულეტის მოსამზადებლად
დრო 0წთ
ულუფა 0
სირთულე
შეინახე რეცეპტი
თხელი ლავაშისგან გემრიელი საუზმეულის მომზადება შეიძლება, რომლითაც სუფრას გავალამაზებთ ან წასახემსებლად  გავიყოლებთ. თუ 30 წუთით მაცივარში გავაჩერებთ, ლამაზ რგოლებადაც დაიჭრება.

გთავაზობთ სხვადასხვა გულსართის რეცეპტებს ლავაშისთვის.

ინგრედიენტები

  • -
მომზადების წესები
1. კრაბის ჩხირები დავჭრათ, დავამატოთ მაიონეზი, კამა, ნიორი, მარილი, პილპილი. შეგვძლია ცოტა გახეხილი ყველიც დავამატოთ. წავუსვათ ლავაშს და გადავახვიოთ რულეტივით. 

2.  200 გ ხაჭოს დავამატოთ კამა, ნიორი და ცოტა მაიონეზი ან არაჟანი. 

3. 1 ქილა თევზის კონსერვს დავამატოთ ცოტა მაიონეზი, მწვანილი და ყველი.

4. დამარილებული ქაშაყის ფილე წვრილად დავჭრათ, დავამატოთ 3 წვრილად დაჭრილი მოხარშული კვერცხი, მაიონეზი, კამა, მოხარშული, გახეხილი სტაფილო.

5. 200 გ მსხვილად გახეხილ ლორს დავამატოთ გახეხილი სტაფილო, კამა, მაიონეზი და გადავურიოთ.

6. უმი სტაფილო გავხეხოთ, დავამატოთ ჩხირებად დაჭრილი კიტრი, პამიდორი, ნიორი, კამა, არაჟანი და ცოტა ზეითუნის ზეთი . მოვაყაროთ მარილი და პილპილიც.

7.  ლავაშს წავუსვათ მდნარი ყველი ან კრემ-ყველი. დავალაგოთ დამარილებული ორაგულის თხელი ნაჭრები, კამა, პილპილი და გადავახვიოთ რულეტივით.