1 კვერცხის გული და 1 მთლიანი კვერცხი ათქვიფეთ. დაუმატეთ არაჟანი. სამუშაო მაგიდაზე დაყარეთ 225 გ ფქვილი, დაახეხეთ 125 გ გაყინული კარაქი, შეურიეთ ერთმანეთს, დაუმატეთ კვერცხისა და არაჟნის მასა და მოზილეთ ცომი. შეახვიეთ სამზარეულოს ცელოფანში და მოათავსეთ მაცივარში 20 წუთით. ამის შემდეგ გამოიღეთ ცომი და დაჭერით 6 თანაბარ ნაწილად. კარგად გააბრტყელეთ, დანით ან ჩანგლით დაჩხვლიტეთ და გამოაცხვეთ 220 გრადუსზე გახურებულ ღუმელში 5-6 წუთის განმავლობაში. სქელძირიან ქვაბში ჩაყარეთ 200 გ და ვანილი. დაუმატეთ მთლიანი რძის 2/3 და გააცხელეთ. დანარჩენი რძე და კვერცხის გული გათქვიფეთ, დაუმატეთ 3 სკ ფქვილი და კარგად გახსენით. ეს ნარევი თხელ ნაკადად დაუმატეთ გაცხელებულ რძეს და ხარშეთ კრემი შესქელებამდე. შემდეგ გადააფარეთ სამზარეულოს ცელოფანი (ისე, რომ კრემს ეხებოდეს) და გააგრილეთ. ვაშლი გათალეთ და თხელ ნაჭრებად დაჭერით. გადაიტანეთ ქვაბში, დაასხით წყალი და დააყარეთ 80 გ შაქარი. ხარშეთ დარბილებამდე. შემდეგ ამოალაგეთ სიროფიდან და გააგრილეთ. გაგრილებულ კრემს დაუმატეთ 60 გ დარბილებული კარაქი. კარგად გათქვიფეთ. ვიწყებთ ტორტის აწყობას: ფირფიტაზე გადაანაწილეთ ჯერ კრემი, შემდეგ - ვაშლის ნაჭრები, მერე ისევ ფირფიტა და ა.შ. შედგით მაცივარში 3-4 საათით. გემრიელად მიირთვით!
