ცომი: საფუარი და შაქარი გახსენით თბილ რძეში და წყალში, დაელოდეთ 10 წუთი, რომ გააქტიურდეს საფუარი და და დაიწყეთ სითხის ფქვილში და მარილში შერევა. ხელით მოზელვის შემთხვევაში დაახლოებით 10 წუთი ზილეთ, ცომსაზელით - 3-4 წუთი. შიგთავსი: აურიეთ ერთამენთში ორივე სახეობის ყველი (70% - იმერული, 30% - სულგუნი) ისე, რომ იყოს დაფშვნილი და დაუმატეთ მოხალული თხილი დაჩოპერებული. ცომი გადაზილეთ დაახლოებით 2-ჯერ და მოამზადეთ გუნდები, 250 გრამ ცომზე გამოიყენეთ 300 გრ. შიგთავსი, გამოცხვეთ წინასწარ გახურებულ ღუმელში მაქსიმალურ გრადუსზე დაახლოებით 10-15 წთ. კარაქი: ყველა ინგრედიენტი კარგად აურიეთ ერთმანეთში და კარაქი მზადაა. კრემბრულე: რძე და ნაღები დადგით ცეცხლზე, გაუკეთეთ ჩაი და გაათბეთ. როდესაც სითხე აიღებს ჩაის გემოს, გადაწურეთ წვრილ საცერში, ამავდროულად ხელის სათქვეფით ათქვიფეთ კვერცხი და შაქარი, ნელ-ნელა დაასხით ჩაის სითხე. კარგად რომ გაიხსნება, ჩაასხით ცეცხლგამძლე ჭურჭელში და გამოსაცხობ ფირფიტაზე დაასხით ადუღებული წყალი, ჩადეთ წყალში ჭურჭელი და გამოაცხვეთ 160 გრადუსზე 40-50 წთ. ლიმონის კრემი: ქვაბში ჩატეხეთ კვერცხი, შაქარი, ლიმონის წვენი და ცედრა, ორთქლის აბაზანაზე აიყვანეთ მასა 75 გრადუსზე, გადმოდგით ჯამი და დაუმატეთ წინასწარ ჩალბობილი ჟელატინი, შემდეგ შეიყვანეთ ნელ-ნელა კუბებად დაჭრილი კარაქი, გადააფარეთ პლასტიკი და შეინახეთ მაცივარში.