სადღესასწაულო კექსი ნუშით და ალუბლის ჩირით
სადღესასწაულო კექსი ნუშით და ალუბლის ჩირით
დრო 90წთ
ულუფა 10
სირთულე საშუალო
შეინახე რეცეპტი

ინგრედიენტები

  • მარილი - მწიკვი
  • გამაფხვიერებელი - 1 ჩ.კ
  • სოდა - 1 ჩ.კ
  • ფქვილი - 1 3/4 ჭიქა
  • შაქარი - 3/4 ჭიქა
  • ქოქოსის ფანტელი - 1/3 ჭიქა
  • ნუშის ექსტრაქტი - 1 ჩ.კ
  • არაჟანი - 1/2 ჭიქა
  • კვერცხი - 2
  • დარბილებული კარაქი - 125 გ
  • კირში - 1/4 ჭიქა
  • ალუბლის ჩირი - 1 ჭიქა
  • დაჭრილი ნუში - 3/4 ჭიქა
  • -
  • სიროპისთვის:
  • კირში - 1/4 ჭ
  • შაქარი - 1/4 ჭ
  • წყალი - 2 ს.კ
მომზადების წესები
ყველა პროდუქტი ოთახის ტემპერატურის უნდა იყოს.

ჩირს დავასხათ კირში* და დავალბოთ.
კარაქი და შაქარი ავთქვიფოთ. შევათქვიფოთ ნუშის ესენცია, კვერცხი და არაჟანი.
ფქვილს შევურიოთ მარილი, სოდა, გამაფხვიერებელი და ჩავამატოთ კარაქიან მასაში. კარგად ავურიოთ. ბოლოს დავამატოთ ჩხირებად დაჭრილი ნუში და ალუბლის ჩირი.

ცომი გადავიტანოთ კარაქწასმულ ფორმაში, ზემოდან მოვაყაროთ  ქოქოსის ფანტელები. ვაცხოთ 170 გრადუსზე  დაახლოებით 1 საათი.

მოვამზადოთ სიროპი: წყალი, კირში და შაქარი შევურიოთ ერთმანეთს, გავათბოთ ისე რომ შაქარი გადნეს. დავასხათ ცხელ კექსს და ფორმაშივე გავაციოთ. შემდეგ ამოვიღოთ ფორმიდან, გავახვიოთ ფოლგაში და 1 დღე-ღამე დავტოვოთ ასე.

ძალიან გემრიელი და ფხვიერია.

*კირში ალუბლის არაყია. უკიდურეს შემთხვევაში სხვა კარგი ხარისხის არაყი, ლიქიორი ან კონიაკი გამოიყენეთ.
ტეგები:
ნუში კექსი ქოქოქსი ნანახია: 10295