მომზადებისას დაიცავით თანმიმდევრობა. ზეითუნის ზეთი და ნიორი დააბლენდერეთ, დაამატეთ რუკოლა და აბლენდერეთ მანამ, სანამ მასა არ გახდება ერთგვაროვანი. დაამატეთ თხილი, დახეხილი პარმეზანი, ლიმონის წვენი, მარილი, პილპილი. აუცილებელია 10-15 წამის განმავლობაში ისევ დაბლენდეროთ, რომ პესტოს ჰქონდეს თავისი დამახასიათებელი სტრუქტურა. აწყობა: ჰოთდოგის გახუხულ პურს კარგად წაუსვით და გადაანაწილეთ პესტო. ქვედა ნაჭერზე მოათავსეთ ავოკადო, შუაში ჩადეთ მოხარშული ან შემწვარი მიუნხენური სოსისი და პურის მეორე ნაჭერზე დააწყვეთ პომიდვრის ნაჭრები. ზემოდან მოაყარეთ ყველი და თხილის ნატეხები. მარტივი ჰოთ-დოგი მზად არის!
