გააცხელეთ ღუმელი 200 გრადუსზე. გაახვიეთ ქათმის ფილე ან სხვა ნებისმიერი სასურველი ხორცი ალუმინის ქაღალდში და გამოაცხვეთ სრულ მზაობამდე. ბრინჯი მოათავსეთ საცერში, გაასუფთავეთ ცივი წყლის ქვეშ, გადაწურეთ და გადადგით. ბულგარული წიწაკა, ხახვი, ნიორი, ჯანჯაფილი და მწარე წიწაკა ერთად დააბლენდერეთ. საშუალო ცეცხლზე გააცხელეთ ზეთი ქვაბში და შეწვით ტომატის პასტა 2-3 წუთის განმავლობაში, ურიეთ ხშირად. დაამატეთ მწვანილი, სანელებლები და 1 ჩკ მარილი. შეწვით კიდევ 1-2 წუთის განმავლობაში, შემდეგ დააყარეთ ბრინჯი, დაასხით ბულიონი (ან წყალი და ბულიონის კუბიკები), დაუმატეთ დაფნის ფოთოლი, აურიეთ, ხარშეთ 45 წუთის განმავლობაში, სანამ ბრინჯი არ მოიხარშება. სერვირება: დიდ თეფშზე გადაიტანეთ ბრინჯი, თავზე მოალაგეთ ხორცის ნაჭრები. გემრიელად მიირთვით!
