ხორცის ფარშს დავუმატოთ გატარებული ხახვი და კვერცხი. პური დავალბოთ თბილ წყალში, გავწუროთ და ჩოფერში დავაქუცმაცოთ, შევურიოთ ფარშს, დავუმატოთ მარილი, წიწაკა და ბეგქონდარა. ხორცისგან გავაკეთოთ პატარა გუნდები, ამოვავლოთ საფანელში და გაცხელებულ ზეთში შევწვათ, შემდეგ გადავიტანოთ საშრობ ქაღალდზე, რომ დაიწრიტოს. პამიდორს კანი გავაცალოთ და დავჭყლიტოთ. ხახვი, ნიორი და ბულგარული წიწაკა წვრილად დავჭრათ და ზეთში მოვშუშოთ 1-2 წუთის განმავლობაში. დავუმატოთ პამიდორი და ვშუშოთ რამდენიმე წუთი. შევანელოთ მარილით, წიწაკითა და წვრილად დაჭრილი მწვანილით. პარალელურად მოვხარშოთ პასტა „ბუდეები“ შეფუთვაზე მოცემული წესის მიხედვით, გადავწუროთ, შევურიოთ პამიდვრის სოუსი და ხორცის ბურთულების თანხლებით მივიტანოთ სუფრაზე.
