ფქვილი გავცრათ, გავაკეთოთ ჯამში ჩაღრმავება, ჩავასხათ წყალი დავამატოთ საფუარი და გავხსნათ, კარგი საფუარი წყალში უნდა ტივტივებდეს მაღლა. მოვზილოთ ცომი. გავაჩეროთ სამი საათი. შემდეგ სველი ხელით დავკეცოთ ოთხივე მხრიდან შუაში, გავაჩეროთ 1სთ. მოვაყაროთ მარილი და სველი ხელით ისევ დავკეცოთ, დავაყოვნოთ 40 წთ. გავყოთ ცომი სასურველ ზომებად. სველი ხელით დავკეცოთ მივცეთ მომრგვალებული ფორმა და შეკრულით მაღლა ჩავდოთ ტილოჩაფენილ, ფქვილმოყრილ ფორმაში. დავაფაროთ თავზე და მთელი ღამე გავაჩეროთ მაცივარში. ღუმელი კარგად გავახუროთ. კალკაზე გადმოვატრიალოთ ცომი ფორმიდან, მოვაფრქვიოთ ფქვილი საცერით, გავსეროთ "ბრიტვით" , გადავიტანოთ კალკიანად ჟარონაზე და ზევიდან დავაფაროთ მეტალის ჯამი. ვაცხობთ მაქსიმალურზე 20წთ. შემდეგ მოვხადოთ ფრთხილად ჯამი და გავაგრძელოთ ცხობა 200-220 გრადუსზე სრულ გამოცხობამდე.საფუარის მომზადებას დაჭირდა 6 დღე. დაგვჭირება სასწორი. 50 გრ ფქვილს დავუმატოთ 50 გრ ოთახის ტემპერატურის წყალი. მოვურიოთ კარგად და გადავიტანოთ ქილაში, თავსახური არ მოვუჭიროთ, ისე დავადოთ. მეორე დღეს ქილიდან ამოვიღოთ 50გრ ცომი დავუმატოთ 50გრ ფქვილი და 50გრ წყალი კარგად მოვურიოთ და გადავიტანოთ ახალ ქილაში. ასე გავიმეოროთ 5 დღე. 6 დღეს მოვამზადებთ ისევ საღამოს და დილით მოვზელთ ცომს. დარჩენილი საფუარი ისევ უნდა გამოვკვებოთ შემდეგისთვის იგივე სქემით ან შევინახოთ მაცივარში.
