დაჭრილ საზამთროს მოვაშოროთ მწვანე ქერქი ძალიან თხელ ფენად(გამოვიყენე ბოსტნეულის სათლელი), წითელ გულს ოდნავ ვტოვებ (უხდება). დავჭრათ სასურველ ფორმად და ზომად. მოვათავსოთ სოდიან წყალში, კარგად უნდა დაიფაროს (1 ლ წყალს სჭირდება 1 ჩკ სოდა). გავაჩეროთ 4 სთ,შემდეგ გამდინარე წყალში კარგად გავრეცხოთ. მოვადუღოთ სიროფი, ჩავალაგოთ საზამთროს ნაჭრები და ვადუღოთ საშუალო ცეცხლზე 10-15 წთ. დავტოვოთ იმავე ქვაბში მთელი ღამით. მეორე დღეს ისევ წამოვადუღოთ 10 წთ საშუალო ცეცხლზე,ოდნავ რომ შეგრილდება ამოვაწყოთ ხილი საშრობ დაფაზე და გამოვაშროთ 60 გრადუსზე ჩირის აპარატში 24 სთ. შეგიძლიათ გადააფაროთ დოლბანდი და 2-3 დღე გამოაშროთ მზეზე. ინგრესიენტების ეს რაოდენობები სჭირდება 1 კგ გასუფთავებულ გამზადებულ ქერქს.
