საქონლის ხორცი დაჭერით პატარა ნაჭრებად. ხახვი დაჭერით მრგვლად და დაუმატეთ ხორცს. ასევე, დაუმატეთ ლიმონის წვენი, ზეთი და აჯიკა. კარგად აურიეთ, ხელით ოდნავ "გაწურეთ" და დატოვეთ 30 წუთით, რათა ხორცი და სანელებლები კარგად შეერიოს. ხორცი ხახვთან ერთად ჩაყარეთ მშრალ ქვაბში (ან მძიმე ძირიან ტაფაში). დააფარეთ თავსახური და 30 წუთი ნელ ცეცხლზე ჩაშუშეთ საკუთარ წვენში. ხანდახან მოურიეთ. როდესაც სითხე ოდნავ ამოშრება, დაამატეთ დაჭრილი ბულგარული წიწაკა, ხმელი სუნელი, უცხო სუნელი და წითელი დაფქვილი წიწაკა. გადაურიეთ და 2 წუთი გააჩერეთ. პომიდვრები გაატარეთ მსხვილ სახეხზე (კანი წინასწარ მოაცილეთ) და დაუმატეთ ხორცს. ჩაასხით პომიდვრის წვენი, დააფარეთ თავსახური და კიდევ 1 საათი ნელ ცეცხლზე მოხარშეთ. პერიოდულად ურიეთ, რომ არ დაიწვას. თუ სითხე ცოტაა, დაამატეთ ცოტა ადუღებული წყალი. როდესაც ხორცი რბილი და ნაზი გახდება, დაამატეთ მარილი, დაჭყლეტილი ნიორი და დაჭრილი მწვანილი. ქვაბი გადმოდგით ცეცხლიდან და დატოვეთ თავსახური დახურული კიდევ 15 წუთით, რომ არომატები გაჯეროს. ტრადიციულად, ჩაშუშული მიირთმევა კეცზე, თუმცა შეგიძლიათ თეფშებზე გაანაწილოთ. გასაფორმებლად გამოიყენეთ თხელად დაჭრილი წითელი ხახვი და მწვანილი.
