500 გრამ ნიგოზს დავუმატე 3 კბილი ნიორი, უცხო სუნელი, ყვითელი ყვავილი, ხმელი ქინძი და დავაბლენდერე დავამატე ცხელი წყალი. შემდეგ რომ გაგრილდა დავუმატე გახეხილი სტაფილო, წვრილად დაჭრილი ახალი ხახვი, ქინძი, მარილი, ძმარი. ეს ყველაფერი კარგად ავურიე და სათითაოდ ჩავდე გამომცხვარ ბადრიჯანში. ბადრიჯანი დავჭერი ცოტა მსხვილად, მოვაყარე მარილი და შევწვი აეროგრილში ორივე მხრიდან. შეწვის დროს ზემოდან ზეთი მოვასხი. მჭადის ფქვილს დავამატე მარილი, შაქარი, ზეთი, 2 კოვზი პურის ფქვილი, წყალი და კარგად მოვზილე. გადავიტანე ტარტის ფორმაში და გამოვაცხვე ღუმელში 200 გრადუსზე დაბრაწვამდე. ტარტი რომ გამოცხვა, გადავანაწილე მორჩენილი ნიგვზის მასა (ანუ იმერული კრემი) და დავალაგე შეკმაზული ნიგვზიანი ბადრიჯანი, ზემოდან მოვაყარე წვრილად დაჭრილი ბროწეული და ქინძი.
