გაცრილ ფქვილს დავამატე წყალში გახსნილი მარილიანი წყალი. ვზელ მაგარ ცომს, და ვდებ გვერდით სანამ ხინკლის გულს გავაკეთებ. გასუფთავებული ისპანახი დავჭერი მსხვილად, დავამატე მარილი, წიწაკა, მწვანილები და ზეთი. (ისპანახი არ მოხარშოთ მეგობრებო ასე ცოცხლად უგემრიელესია). გავაბრტყელე მრგვლად ცომი, ამოვჭერი პატარა რგოლებად, ესეც სათითაოდ გავაბრტყელე, ჩავდე 1 სკ. შეზავებული ისპანახი და მოვახვიე ხინკალი. ადუღებულ წყალს, დავამატე მარილი, ჩავალაგე ხინკალი და მოვხარშე.
