პირველ რიგში მარილი, პილპილი, პაპრიკა ნივრის ფხვნილი, ხმელი ხახვი და როზმარინი გავაერთიანოთ და მოვაყაროთ ბარკლებს, გადავაკრათ საკვები პარკი და დავტოვოთ მაცივარში 30-40 წუთი. ამასობაში ნახევრად მოხარშული კარტოფილი გავჭრათ ოთხად, მოვათავსოთ საცხობ ფორმაში, მოვაყაროთ მარილი, პილპილი და მოვასხათ ზეითუნის ზეთი. შევდგათ წინასწარ გახურებულ ღუმელში 180 გრადუსზე 15 წუთი. ამავდროულად დამარინადებული ბარკლები დავბრაწოთ ზეითუნის ზეთში, ორივე მხრიდან, 5-5 წუთი მაღალ ტემპერატურაზე და მოვალაგოთ გამომცხვარ კარტოფილს. ტაფაზე რომელშიც ბარკლები შევწვით გადავიტანოთ ნიორი, დავასხათ რძე, დავუმატოთ ფქვილი, მარილი, მოვშუშოთ და დავუმატოთ ისპანახის ფოთლები. ცოტა რომ მოიწალება რძეში ისპანახი, მოვასხათ ბარკლებისა და კარტოფილის მასას და ვაცხოთ ღუმელში 200 გრადუსზე 15-20 წუთი. სადილიც მზადაა, გემრიელად!
