მოვზელთ საფუარიან რბილ ცომს ასეთი შეფარდებით: ფქვილი 1,200 კგ, საფუარი 1 სავსე ს. კ., მარილი 1 ს. კ. ზეთი 4 ს.კ., წყალი დაახლოებით 400-500 მლ/ლ. უნდა გამოვიდეს რბილი ცომი, არ სჭირდება ბევრი დამუშავება ცომს. ვაცდით რა თქმა უნდა აფუებას და მხოლოდ ამის შემდეგ დავყოფთ სასურველი ზომის გუნდებად. გამომივიდა 5 არც თუ პატარა ზომის, 6 ნაჭრიანი ხაჭაპური. შიგთავსი: მოხარშული კარტოფილი 4-5 ც. დიდი ზომის. ცხელ დასრესილ კარტოფილს ვუმატებ ცოტა კარაქს, დაახლოებით 50გ. თუმცა ყველი ისეთი ცხიმიანი იყო არ საჭიროებდა ნამდვილად. ნაკლებად მარილიანი ყველი, ჩემს შემთხვევაში 1.200 კგ. ყველის და კარტოფილის მასა შეგიძლიათ ჩაზილოთ მცირე რაოდენობის რძით, ისე რომ ძალიან არ გაათხელოთ შიგთავსი. (რამდენიმე სუფრის კოვზიც საკმარისი იქნება) გაბრტყელებულ გუნდაზე მოვათავსებთ ყველის და კარტოფილის მასას, მოვკრავთ ცომს და გავაბრტყელებთ. ვაცხობთ გაცხელებულ ტაფაზე ორივე მხრიდან, გამოცხობის შემდეგ ვუსვამთ კარაქს, უგემრიელესია
