მოვამზადოთ მოხარშული ფაფის კრემი მოცემული მასალით (რძე, კვერცხის გული, შაქარი, სიმინდის სახამებელი ან ფქვილი, ვანილი, მარილი, კაკაო და კარაქი), მხოლოდ გრილი შევურიოთ ოთახის ტემპემპერატურზე კარაქს. ეს კრემი გამოვიყენე ფენებს შორის (კარამელი + ორცხობილა "ორეო".) გარედან გასალესად გამოვიყენე ნაღების კრემი (ნაღების კრემის მომზადება: მაღალპროცენტიანი ნაღების ფხვნილი და შაქრის პუდრა ან ნაღების ფხვნილი მზა რძით გათქვეფილი). ბისკვიტის მომზადება: ღუმელი ჩავრთოთ წინასწარ 150-160 გრადუსზე,ზედა-ქვედა წვით, ჰაერის გარეშე. შემდეგ ფქვილს დავუმატოთ კაკაო, სახამებელი და ვანილი. შევურიოთ ერთმანეთს და გავცრათ. ცილა და გული დავაშოროთ ერთმანეთს. ცილა მწიკვ მარილთან ერთად ავთქვიფოთ მიქსერით ღრუბლამდე და დავუმატოთ ნახევარი შაქარი ნელ-ნელა, მოვამზადოთ მყარი ბეზე. ცალკე გულს დავუმატოთ დარჩენილი შაქრის რაოდენობა და მოვამზადოთ გოგლი-მოგლი. შემდეგ პორციებად დავუმატოთ გოგლი ცილას და გავაერთიანოთ მასა.ფქვილი პორციებად ჩავყაროთ და მიქსერის გარეშე ხელის სათქვეფით ფრთხილად და სწრაფად შევურიოთ. ჩავასხათ ფორმაში და გამოვაცხოთ. 1 სთ ცოტა მეტი დრო დასჭირდა ჩემს ღუმელს, არ გამოაღოთ ღუმელი ცხობის დროს 1 სთ, შემდეგ შეგიძლიათ შეამოწმოთ მზაობა ჩხირით.
