მოვზილოთ ელასტიური ცომი, ისეთი როგორსაც ხედავთ ვიდეოში (ხელით თუ მოზელთ დაგჭირდებათ 20 წუთი დაახლოებით). ცომი დავაყოვნოთ 30 წუთით. დასვენებული ცომი გავყოთ 9 ნაწილად, თითოეული დავაგუნდავოთ (2 ბურთულა უნდა იყოს დანარჩენებზე ოდნავ დიდი, პირველი და ბოლო ფენისთვის). კარაქი გავადნოთ და გავაგრილოთ. ასევე გავხეხოთ ყველი და გემოვნებით დავუმატოთ მარილი. აჩმის პირველი ფენა, რომელიც შედარებით დიდია, გავაბრტყელოთ და მოვათავსოთ კარაქწასმულ ფორმაზე, ისე რომ ბოლოები გადმოდიოდეს 1-2სმ-ით. ცომს ზემოდანაც კარგად წავუსვათ კარაქი (აჩმის პირველი ფენა არ იხარშება). აჩმის მეორე ფენა გავაბრტყელოთ მაქსიმალურად თხლად, გაბრტყელებული ცომი მოვათავსოთ ადუღებულ წყლით სავსე ქვაბში (წყალს დაუმატეთ მარილი და ზეთი), ვხარშოთ დაახლოებით 15 წამით. ფრთხილად ამოვიღოთ ცომი და მოვათავსოთ ცივი წყლით სავსე ჯამში. ამოვიტანით და ფრთხილად დავწუროთ. დავადოთ პირველ ფენას, რომელიც დევს ფორმაში. წავუსვათ კარაქი კარგად და შემდეგ მოვათავსოთ ყველის 1/4. დანარჩენი ყველა ფენა გავიმეოროთ ისე, როგორც მეორე ფენა, გარდა ბოლო ფენისა. თითო ფენის შემდეგ ვუსმევთ კარაქს და ვათავსებთ ყველზ. ბოლოს წინა ფენაზე ყველს არ ვათავსებთ. ბოლო ფენა მოვამზადოთ ისე,როგორც პირველი (ვაბრტყელებთ და პირდაპირ ვაფარებთ). გვერდები შევუკეცოთ დანის დახმარებით. გადავუსვათ კარაქი, დავჭრათ სასურველ ზომებად. სურვილისამებრ შევინახოთ მაცივარში მთელი ღამით და მეორე დღეს გამოაცხვეთ. ვაცხობთ 200 გრადუსზე, დაახლოებით 1 საათით, მანამ სანამ ოქროსფერს არ მიიღებს. ცხობისას ვათავსებ ქვევით (ზევიდან უცებ რომ არ მოიბრაწოს). დაჭერით და მიირთვით გემრიელად!
