თასში მოათავსეთ კვერცხი, დაუმატეთ ძმარი, არაყი, ზეთი, ლიმონმჟავა და მარილი. კარგად გათქვიფეთ და დაამატეთ 1 ლ. ცივი წყალი. ფქვილი გაყავით სამ ნაწილად და თასში არსებულ მასას ეტაპობრივად დაუმატეთ. როცა პირველი ნაწილი კარგად გაერთიანდება, დაამატეთ მეორე და შემდეგ, ანალოგიურად შეურიეთ მესამე ნაწილი ფქვილი. მიღებული ცომი გადაიტანეთ სამუშაო მაგიდაზე და მოზილეთ 5 წუთის განმავლობაში. ცომი 5 ნაწილად გაყავით, ცალ-ცალკე დააგუნდავეთ და დაასვენეთ 10 წუთის განმავლობაში. შემდეგ ეტაპზე დაგჭირდებათ ოთახის ტემპერატურაზე დარბილებული სპრედი „ოდა“, რომელიც ქართული წარმოების პროდუქტია, არ შეიცავს ქოლესტერინს და ტრანსცხიმებს. აიღეთ დასვენებული ცომი, ზედაპირზე მოაყარეთ ფქვილი და გააბრტყელეთ. მასზე გადაანაწილეთ 250 გრ „ოდა“ და მოახვიეთ ხინკლისებურად. კარგად მოუკარით თავი და დაპრესეთ, შემდეგ კი მინიმუმ 20 წუთის განმავლობაში დაასვენეთ. დასვენებული ცომი გააბრტყელეთ და 4 ფენად გადაკეცეთ. საბრტყელებლით კარგად დაათხელეთ და კვლავ 4 ფენად გადაკეცეთ. მიღებული ცომი მოათავსეთ ცელოფანში და მაცივარში დაასვენეთ მინიმუმ ნახევარი საათის განმავლობაში. ცომის ხუთივე ნაწილი ანალოგიურად დააფენოვნეთ. ეს პროცესი სამჯერ უნდა გაიმეოროთ. სამჯერ დაფენოვნებული და მაცივარში დასვენებული ცომი დააბრტყელეთ და 4 ნაწილად გაყავით. თუ უფრო პატარა ზომის ხაჭაპური გსურთ, შეგიძლიათ ცომი 8 ნაჭრად გაყოთ. დააბრტყელეთ, მოათავსეთ გახეხილი ყველი და შეახვიეთ კონვერტისებურად. ღუმელი უნდა გაახუროთ 180 გრადუსზე და ხაჭაპური აცხოთ ზედა-ქვედა წვის რეჟიმზე 35 წუთის განმავლობაში. ვაჟა წულუკიძე გვიზიარებს ინფორმაციას იმის შესახებაც, რომ ფენოვანი ცომის შენახვა შესაძლებელია როგორც მაცივარში, ისე საყინულეში. მაცივარში შენახვის შემთხვევაში მისი შენახვის ვადა 3 დღეა, საყინულეში კი - 1 თვე. ასევე, შეგიძლიათ გაყინოთ უკვე მზა ხაჭაპური, რომელსაც მირთმევის წინ გამოაცხობთ. R
