ცილა და შაქარი ავურიოთ ერთმანეთს მშრალ ჯამში და დავდგათ ორთქლის აბაზანაზე (ჯამი წყალს არ უნდა ეხებოდეს). ვურიოთ რომ შაქარი ბოლომდე გადნეს. თუ გვაქვს თერმომეტრი უნდა გაცხელდეს 65-70 გრადუსამდე. თუ არ გვაქვს თერმომეტრი ფრთხილად თითებით მოვსინჯოთ შაქარი ბოლომდე გადნა თუ არა. როცა მიაღწევს მოცემულ ტემპერატურას, გადმოვდგათ ფრთხილად, წყლის წვეთები რომ არ მოხვდეს მასაში ისე და დავიწყოთ მიქსერით თქვეფა, სანამ არ მივიღებთ მყარ ბეზეს. ტემპერატურა ბეზესი უნდა ჩამოვიდეს ოთახის ტემპერატურამდე (თერმომეტრით 30 გრადუსამდე) ანუ კარგად უნდა გაგრილდეს თქვეფაში და მიქსერის ჯოხი მყარად უნდა იჭერდეს ბეზეს. დავუმატოთ ლიმონის წვენი და შემდეგ თითო კოვზით რბილი კარაქი. კარაქის და ბეზეს ტემპერატურა ერთმანეთთან უნდა იყოს ახლოს (განსხვავება 10 გრადუსი იყო ჩემთან). თავიდან გეგონებათ, რომ გათხელდა კრემი, მაგრამ აუცილებლად შეიკვრება და იქნება პრიალა. ბოლოს შეგვიძლია ფერის დამატება ან გამდნარი შოკოლადის დამატება. კრემი შეგვიძლია მაშინვე გამოვიყენოთ, მხოლოდ ტორტის გალესვამდე ნიჩბით უნდა ამოვურიოთ რამდენიმე წთ (5 წთ დაახლოებით), რომ ჰაერის ბუშტებისგან განთავისუფლდეს და გახდეს ერთიანად პრიალა.
