მე გამოვაცხე კლასიკური ბისკვიტი 6 კვერცხიანი, ანუ 6 კვერცხი, 1 ჩ.ჭ.შაქრით და 1 ჩ.ჭ.ფქვილით. გამოვაცხე ცხიმწასმულ და ქაღალდ დაფენილ ქვაბში, მაღლიდან დაბალ ცეცხლზე გამანაწილებელზე, სახურავს კი ამოვაკარი სველი ჩაის ტილო (თქვენ როგორც გეხერხებათ ისე გამოაცხეთ ბისკვიტი). კრემი, ერთი მოუხარშავი შესქელებული რძე, ვანილი და 250 გრ.კარაქი, ამოვიყვანოთ კარგად. მარწყვი გავრეცხოთ, გავარჩიოთ და ფენა ფენა დავაყაროთ შაქარი. ეს გაუშვებს წვენს და ამით დავნამოთ ბისკვიტი. გამომცხვარ და გაციებული ბისკვიტი გავჭრათ შუაზე დავნამოთ მარწყვის წვენით, წავუსვათ კრემი დავალაგოთ დაჭრილი და დამტკბარი მარწყვი და ისევ კრემი. შემდეგ დავაფაროთ მეორე ფენა ისიც წვენით დანამული, წავუსვათ კრემი და მოვრთოთ სურვილის მიხედვით, მაღლიდან კი ცოცხალი მარწყვებით გავალამაზოთ.
