შაქარს დავუმატოთ, მწ. მარილი და ლიმონის ცედრა, ხელით გავაფხვიეროთ, შემდეგ დავუმატოთ ზეთი და დარბილებული კარაქი. კარგად გავთქვიფოთ. დავუმატოთ ასევე კვერცხი და გავთქვიფოთ გათეთრებამდე. მასას დავუმატოთ მაწონი, ვანილი, გამაფხვიერებელი და 1ც. ლიმონის წვენი. ბოლოს ვუმატებთ გაცრილ ფქვილს და კარგად ამოვურიოთ ხის კოვზით. ცომში ჩავყაროთ ფქვილში შერეული მოცვი (ცოტა მოვიტოვოთ ზემოთ მოსართავად), ამოვურიოთ, მოვათავსოთ ცხიმწასმულ ფორმაში, ზევიდან მოვაყაროთ მორჩენილი მოცვი. ვაცხობთ გახურებულ ღუმელში 175 გრადუსზე, 40-45 წუთით, მზაობამდე. გამომცხვარ კექსს მოსართავად შეგიძლიათ მოასხათ მოცვის და შაქრის პუდრის ნაზავი (2ს/კ. გაწურულ მოცვს დაუმატეთ 4ს/კ. შაქრის პუდრა და 1ს/კ. ლიმონის წვენი, სისქე დაარეგულირეთ შაქრის პუდრით). გამომცხვარი კექსი შეაგრილეთ და გემრიელად მიირთვით ნაყინთან ერთად.
