ქათმის გულმკერდი დავჭერი სასურველ ნაჭრებად, დავასხი წყალი და წამოვადუღე. შემდეგ კარგად გადავრეცხე, დავამატე წვრილად დაჭრილი ხახვი, ზეთი და ცოტა შევბრაწე. დავამატე ასევე ტომატი, რომელიც ცხელ წყალში მქონდა გახსნილი, და ვადუღე მანამდე, სანამ ხორცი არ მოიხარშა. ბოლოს დავამატე წინასწარ დაბლენდერებული ნიგოზი, ნიორი, სუნელები და 100 გრამი ცხელი წყალი. ბოლოს მოვაყარე წვრილად დაჭრილი მწვანილები და მარილი. სიმწარეს ერთი წუთით წამოვადუღე და შემდეგ გამოვრთე. 200 გრამი სიმინდის ბურღული კარგად გავრეცხე, დავასხი თვალის ზომით იმდენი წყალი, რომ კარგად დაფარულიყო, და ვადუღე ნელ ცეცხლზე. როცა კარგად მოიხარშა, დავამატე 50 გრამი სიმინდის ფქვილი, კარგად გადავურიე და შევურიე 500-600 გრამი სულგუნი (ჭყლინტი).
