თბილ რძეში გავხსენი საფუარი,შაქარი და ცოტა ფქვილი,გავაჩერე 10-15 წთ გასააქტიურებლად.ცალკე ავთქვიფე კვერცხი,დავუმატე ცხიმი და შევურიე საფუარიან მასას. ფქვილს დავუმატე მარილი და საფუარიანი მასა.მოვზილე ოდნავ თხელი ცომი (არც სქელი,არც ძალიან თხელი). ფქვილი არ დამიმატებია მოცემული რაოდენობის მეტი,რადგან ცხიმიანი ხელებით გავაგრძელებ მუშაობას ფქვილის გარეშე.ცომი 40 წუთიანი ინტერვალით ორჯერ გადავზილე. ღრმა ტაფაში ავადუღე ზეთი,სამუშაო დაფა და ხელები დრო და დრო ცოტა ცხიმით დავსვაროთ,რომ არ მოგვეწებოს ხელებზე (ფქვილს არ ვიყენებთ).გუნდები დაახლოებით 80 გრამიანი,ხელით გავაბრტყელე,მოვათავსე კარტოფილის პიურე და შევწვი ადუღებულ ზეთში ორივე მხრიდან.კარტოფილი ბავშვების გემოვნებით შევაზავე (მარილი,ცოტა მოთუშული დაბლენდერებული ხახვი და კარაქით)ცხელი ღვეზელი არის კნატუნა,ცივი კი არის ძალიან რბილი და გემრიელი.
