ათქვიფეთ 2 კვერცხი მწიკვ მარილთან ერთად. დაუმატეთ 500 გრამი მაწონი და 1 ჩაის კოვზი სოდა. კარგად აურიეთ. შეურიეთ 250 გრამი ხაჭო, 250 გრამი იმერული ყველი და 200 გრამი სულგუნი. ეტაპობრივად ჩაამატეთ ფქვილი ისე, რომ მიიღოთ ოლადების ცომზე ოდნავ სქელი მასა. გააცხელეთ ზეთიანი ტაფა. ცომი გადაიტანეთ ტაფაზე, დააფარეთ თავსახური და დაბალ ცეცხლზე შეწვით დაახლოებით 7–8 წუთის განმავლობაში. გადააბრუნეთ მეორე მხარეს და ამ დროს თავსახური აღარ დაგჭირდებათ. შეწვით კიდევ რამდენიმე წუთით, სანამ ორივე მხარე გალამაზდება. ბოლოს ზემოდან გადაუსვით კარაქი ცხლად.
