გარგარი, 75 გ შაქარი და როზმარინის ტოტები მოვათავსოთ ტაფაზე, დავახუროთ სახურავი და მოვშუშოთ, როცა დარბილდება, გავაგრილოთ, ამოვიღოთ როზმარინის ტოტები და ბლენდერით ავთქვიფოთ. ერთად ავთქვიფოთ ნაღები, ფორთოხლის წვენი, დანარჩენი შაქარი და კვერცხის გულები, სანამ არ გაღიავდება. ცალკე მწიკვ მარილთან ერთად ავთქვიფოთ ცილა ბეზეს მასის მიღებამდე. ნაღების კრემს შევურიოთ ჯერ გარგარის პიურე და შემდეგ ცილის მასა. ფრთხილად ავურიოთ ერთმანეთში. მასა შეგვიძლია ერთ ფორმაში ჩავდოთ და შემდეგ ბურთულებად ამოვიღოთ. ასევე შეგვიძლია დამოუკიდებელ ფორმებში მოვათავსოთ, ცალკე ულუფებად. პარფე მთელი ღამით საყინულეში უნდა გაიყინოს. დესერტი გავაფორმოთ ცოცხალი ხილითა და როზმარინით.
