სადღესასწაულო რულეტი ფარშით
სადღესასწაულო რულეტი ფარშით
დრო 60წთ
ულუფა 8
სირთულე საშუალო
შეინახე რეცეპტი

ინგრედიენტები

  • მდოგვი - 1 ს.კ
  • კვერცხი - 7
  • ისპანახი - 500 გ
  • ინდაურის ან ქათმის ფარში - 600 გ
  • მზა ფენოვანი ცომი - 500 გ
  • საფანელი - 50 გ
  • მარილი და პილპილი
მომზადების წესები
ისპანახის ფოთლები მოვწალოთ მდუღარე წყალში. ამოვიღოთ და პირსახოცზე დავალაგოთ რომ ზედმეტი სითხე შეაშრეს.
ფარშს დავამატოთ  ორი უმი კვერცხი, საფანელი, მდოგვი, მარილი, პილპილი.

ქაღალდჩაფენილ ფორმაში დავაფინოთ ცომი, ზედ დავადოთ  ფარში, შემდეგ ისპანახი და მოხაშული კვერცხები. ცომი მჭიდროდ გადავახვიოთ ისე რომ კიდეები ერთად შევაწებოთ. ეს შეერთების მხარე ქვემოთ მოვუქციოთ, ზემოდან ათქვეფილი კვერცხი გადავუსვათ.

ვაცხოთ 180-200 გრადუსზე 25-35 წუთი.