გაცრილი ფქვილი და ცივი გახეხილი კარაქი კარგად აურიეთ ერთმანეთში, რომ ფხვიერი მასა მიიღოთ. დაუმატეთ რბილი ხაჭო, კვერცხი, შაქარი, სახამებელი, გამაფხვიერებელი და მარილი. მოზილეთ ცომი და გაყავით ორ ნაწილად (ერთი ოდნავ უფრო დიდი უნდა იყოს). შეახვიეთ საკვებ ცელოფანში და შედგით მაცივარში 30 წუთის განმავლობაში. გარეცხეთ ვაშლები, მოაშორეთ კანი, გული და დაჭერით პატარა ნაჭრებად. საცხობი ფორმის ძირში დააფინეთ პერგამენტის ქაღალდი, წაუსვით მცენარეული ზეთი. ცომის უმეტესი ნაწილი ჩაასხით ფორმაში, შემდეგ თანაბრად გაანაწილეთ ვაშლის ნაჭრები, მოაყარეთ დარიჩინი, დაადეთ ცომის მეორე ნაწილი და გაათანაბრეთ შპატულით. გამოაცხვეთ წინასწარ გახურებულ ღუმელში 180 გრადუსზე 30-35 წუთის განმავლობაში, სანამ ოქროსფერი არ გახდება. მზა ღვეზელი გააგრილეთ 10 წუთის განმავლობაში, ამოიღეთ ფორმიდან და მოაყარეთ შაქრის პუდრა.
