ფქვილი და კუბებად დაჭრილი კარაქი გავაფხვიეროთ ხელით. არაჟანს დავუმატოთ სოდა და გავააქტიუროთ. დავუმატოთ ფქვილს და მოვზილოთ ცომი, ცომს ბევრი ზელა არ სჭირდება, უბრალოდ ხელზე აღარ უნდა გვეკვროდეს. გათლილ და გახეხილ ვაშლს დავუმატოთ შაქარი. ვაშლი გაუშვებს წვენს,რომელიც უნდა გადავღვაროთ, შუაგულში უნდა მოხვდეს მშრალი მასა. ცომი გავყოთ ტოლ ნაწილებად,მე გავყავი 16 ბურთულად. გავაბრტყელოთ ოთხკუთხედად, ჩავდოთ შიგთავსი და გადავახვიოთ. შევუკრათ ბოლოები და მივცეთ ბანანის ფორმა. გადავიტანოთ საცხობ ფორმაში და ვაცხოთ 180C ზე გახურებულ ღუმელში 20-30წთ.
