ყველის კალათები სადღესასწაულოდ
ყველის კალათები სადღესასწაულოდ
დრო 15წთ
ულუფა 1
სირთულე საშუალო
შეინახე რეცეპტი
ამ გემრიელი საუზმეულით შეგიძლიათ გააოცოთ სტუმრები. ეს ერთი შეხედვით რთული კერძი საკმაოდ მარტივი მოსამზადებელია, მთავარია, სწორად შევარჩიოთ ყველის სახეობა. გამოვიყენოთ ჰოლანდიური გაუდა ან სხვა მსგავსი ტიპის ყველი. კალათები ჯობს მოვამზადოთ ტეფლონის ან კერამიკის ზედაპირიან ტაფაზე რათა რ მიიწვას.

ინგრედიენტები

  • გახეხილი ყველი გაუდა - 3 ს.კ
  • ფქვილი - მწიკვი
  • სალათა:
  • ტკბილი წიწაკა, წითელი - 1
  • ნიახურის ღერო - 1 ს.კ, დაჭრილი
  • სოკო, შემწვარი ან დაკონსერვებული - 1-2
  • ძმარი - 1 ჩ.კ
  • მარილი და პილპილი
  • ერბოკვერცხისთვის:
  • კვერცხი - 1
  • ზეითუნის ზეთი - 1 ს.კ
  • მარილი
მომზადების წესები
ტაფა გავაცხელოთ, ზედ დავყაროთ ყველი, თანაბრად გადავანაწილოთ და ვაცადოთ, რომ გადნეს,შემდეგ დავაყაროთ ფქვილი.

როდესაც ყველის მასა ერთგვაროვანი გახდება და ნაპირებზე ოდნავ გამუქდება, ტაფა ცეცხლიდან გადმოვდგათ და სამზარეულო ნიჩბის საშუალებით მოვსინჯოთ, არის თუ არა ყველის ფირფიტა შემაგრებული. თუ შემაგრებულია, ფრთხილად გადმოვიღოთ, შევაგრილოთ და ჭიქაზე ან ჯამზე გადავფინოთ.

როდესაც ყველის კალათა გამაგრდება და ფორმას შეინარჩუნებს, გადმოვიღოთ თეფშზე.

სოკო, წიწაკა და ნიახურის ძირი თხლად დავჭრათ, შევურიოთ ძმარი, მარილი და პილპილი.

სალათა მოვათავსოთ ყველის კალათაში.

ერბოკვერცხი შევწვათ ზეითუნის ზეთში და ფრთხილად დავადოთ სალათას.

მივირთვათ მომზადებისთანავე.