თბილ რძეში ვამატებ საფუარს, შაქარს, ვანილს, მარილსა და კვერცხს. შემდეგ გამდნარ კარაქს და გაცრილ ფქვილს. ცომი საკმაოდ წებოვანია ამიტომ ბოლოს ვუმატებ ცოტა ზეთს და ვაყოვნებ თბილ ადგილას 1 საათით. კრემისთვის კი ვიყენებ კვერცხის გულს, შაქარს, ვანილს და ფქვილს, რომელსაც შემდეგ ვუმატებ რძეს და ვდგამ დაბალ ცეცხლზე, უწყვეტად ვურევ სანამ კრემი არ გასქელდება. შემდეგ ვუმატებ კრემს კარაქს. ამოსულ ცომს ვყოფ პატარა გუნდებად, ხელით ოდნავ ვაბრტყელებ და ვათავსებ კრემს. ახლა კი გადამაქვს გაცხელებულ ზეთში, ვბრაწავ ორივე მხრიდან, სანამ ფუნთუშები ოქროსფერ ბზინვარებას არ მიიღებენ და ბოლოს ვაყრი შაქრის პუდრს.
