ხრაშუნები სიმინდის ფქვილით
+ N/A
ხრაშუნები სიმინდის ფქვილით
დრო 120წთ
ულუფა 6
სირთულე მარტივი
შეინახე რეცეპტი

ინგრედიენტები

  • ფორთოხლის ან ლიმონის ცედრა - 1 ჩ.კ
  • შაქარი - 80-100 გ
  • კვერცხი - 1
  • კარაქი ან მარგარინი - 100 გ
  • ფქვილი - 100 გ
  • სიმინდის ფქვილი - 100 გ
  • ნუშის ფირფიტები - 3 ს.კ
  • ქიშმიში ან რაიმე ჩირი
მომზადების წესები
1. კომბაინში მოვათავსოთ ორივე სახის ფქვილი, ვანილი, ცედრა, დაჭრილი კარაქი და შაქარი დაკარგად ავურიოთ. მივიღებთ ფხვიერ მასას. დავამატოთ (ბლენდერშივე ან ცალკე თასში) კვერცხი და კარგად ავთქვიფოთ. თუ კვერცხი პატარაა და ცომი არ შეკრა, სულ ცოტა წყალი დავამატოთ.
2. თუ ცომს ხელით ვამზადებთ, თასში ავურიოთ მშრალი ინგრედიენტები და შევაზილოთ დარბილებული კარაქი, შემდეგ კვერცხი.
3. ბოლოს ცომს დავამატოთ ქიშმიში ან ჩირი.
4. ცომს მივცეთ დაახლოებით 4 სმ დიამეტრის ძეხვის ფორმა, შევახვიოთ ცელოფანში და გავაციოთ მაცივარში 1- 1,5 საათის განმავლობაში ან საყინულეში 30-40 წუთით.
5. ამის შემდეგ ცომი დავჭრათ თხელ ფირფიტებად, დავალაგოთ სახცობ ფურცელზე მცირე დაშორებით. ზემოდან მოვაყაროთ ნუშის ფირფიტები და გამოვაცხოთ 170-180 გრადუსზე გახურებულ ღუმელში, სანამ სასიამოვნო ოქროსფერს არ მიიღებენ.


ტეგები:
ნუში ჩირი ნანახია: 9013