საშუალო ზომის ნაჭრებად ვჭრით ხახვს და სტაფილოს. გადაგვაქვს გაცხელებულ ზეთიან ტაფაზე და ვშუშავთ დარბილებამდე. ამასობაში ვჭრით კიტრის მწნილს, გადაგვაქვს ჯამში, ვუმატებთ ჩვენს მოთუშულ ბოსტნეულს. კონსერვირებულ ლობიოს აუცილებლად გადავუწუროთ სითხე და კარგად გავავლოთ წყალი რამდენჯერმე, დავამატოთ ჯამში. მე შევაზავე ხმელი ქინძით და სვანური მარილით. უგემრიელესი სალათა გამოვიდა ქართული ნოტებით. მოამზადეთ, არ ინანებთ.
