ხორცი კარგად გარეცხეთ და ქაღალდის ხელსახოცით გაამშრალეთ. დაჭერით საშუალო ზომის ნაჭრებად, რათა მარტივად გაატაროთ ხორცსაკეპში. ბატონის პურს მოაჭერით კანი, ხოლო რბილობი დაასველეთ რძეში. უმჯობესია გამოიყენოთ გუშინდელი, შემაგრებული პური - ასე კოტლეტი უკეთეს ფორმას შეინარჩუნებს. ხორცსაკეპ მანქანაში გაატარეთ ხორცი, ხახვი, ნიორი და რძეში დამბალი პური. მიღებულ მასას დაუმატეთ მარილი და თქვენთვის სასურველი სანელებლები. ფარში კარგად მოზილეთ ერთგვაროვანი მასის მიღებამდე. სასურველია ფარში რამდენჯერმე "დაახეთქოთ" ჯამში, რომ ჰაეროვანი გახდეს. აეროგრილის ბადეს ფუნჯით გადაუსვით მცირეოდენი ზეთი. სველი ხელებით დაამზადეთ სასურველი ზომის კოტლეტები და დაალაგეთ ბადეზე. გამოაცხვეთ 200 გრადუსზე 15-20 წუთის განმავლობაში. შემდეგ ფრთხილად გადააბრუნეთ და გააგრძელეთ მომზადება კიდევ 5-10 წუთი. მომზადების ზუსტი დრო დამოკიდებულია კოტლეტების ზომასა და ხორცის ტიპზე. აკონტროლეთ პროცესი, რომ ხორცი ზედმეტად არ გამოშრეს. თქვენი ჯანსაღი და გემრიელი კოტლეტები მზად არის! მიირთვით საყვარელ გარნირთან ან ბოსტნეულის სალათთან ერთად. გემრიელად მიირთვით!
