ფქვილს დაუმატეთ მარილი და აურიეთ. მაწონში გახსენით სოდა და მიღებული მასა ფქვილს შეურიეთ. მოზილეთ რბილი ცომი, ბოლოს კი ზეთთან ერთად კარგად გადაზილეთ. გამოდის საკმაოდ მორჩილი ცომი - დაანაწევრეთ თანაბარ გუნდებად და დაასვენეთ 30 წუთით. ამ დროს მოამზადეთ გულსართი: გახეხილ ყველს შეურიეთ 1 კვერცხის გული. გულსართიც დაყავით თანაბარ ნაწილებად. ცომი ოდნავ გააბრტყელეთ და შუაში მოათავსეთ გულსართი. შეკარით ხინკლის პრინციპით. ცომის გაბრტყელება დაიწყეთ შუა ნაწილიდან, გარე მიმართულებით, რათა შიგთავსი თანაბრად გადანაწილდეს. ტაფა წინასწარ გააცხელეთ და ხაჭაპური შეწვით ორივე მხრიდან. ბოლოს ცხელსავე წაუსვით კარაქი და შეგიძლიათ გემრიელად მიირთვით!
