გავრეცხოთ და გავთალოთ ბადრიჯანი (ისე, როგორც კადრში ხედავთ), დავჭრათ კუბებად, მოვაყაროთ მარილი და დავაყოვნოთ 20-25 წუთით. გავწუროთ და შევწვათ ღუმელში. შემდეგ გავთალოთ კარტოფილი, დავჭრათ კუბებად, დავყაროთ პერგამენტ დაფენილ ქაღალდზე და შევწვათ ღუმელში. დაჭრილი ხახვი მოვთუშოთ ცალკე ტაფაში, დავუმატოთ დაჭრილი ბულგარული და გავაგრძელოთ შუშვა. პომიდვრებს დავასხათ ცხელი წყალი, რათა ადვილად მოვაცილოთ კანი. გავასუფთაოთ და გავატაროთ, ან გავხეხოთ. ცალკე სანაყში მოვათავსოთ ნიორი, დაჭრილი წიწაკა, მარილი და ქინძი. პომიდვრის მასას დავუმატოთ ტომატი, ჩანაყილი მასა და გავხსნათ კარგად. მოთუშულ ხახვს და ბულგარულს ვუმატებთ ღუმელში შემწვარ ბადრიჯანს, შემდეგ კარტოფილს, მარილს, ბოლოს კი პომიდვრის მასას. ვადუღოთ 5 წუთით, შემდეგ კი მოვაყაროთ მწვანილები და კერძიც მზადაა. გემრიელად მიირთვით! პატარა ხრიკი: როდესაც ნიორს, მწვანილს და წიწაკას ერთად ნაყავთ, დაამატეთ ერთი მწიკვი მარილი — ეს ეხმარება ეთერზეთების გამოთავისუფლებაში და თქვენს აჯაფსანდალს საოცარი სურნელი ექნება.
